வில்பத்து தேசிய வனப்பகுதியில் நடுவே அமைந்துள்ள வீதியில் பயணித்த தனியார் பஸ் ஒன்றில் சட்டவிரோதமான முறையில் கொண்டு செல்லப்பட்ட கடற்குதிரைகள் உள்ளிட்ட மேலும் பல கடல் வாழ் உயிரினங்களின் பாகங்களுடன் ஒருவரை வலான மத்திய குற்றத் தடுப்புப் பிரிவின் அதிகாரிகள் நேற்று முன்தினம் சனிக்கிழமை மாலை கைது செய்துள்ளனர். இவ் வீதி வழியாக மன்னாரிலிருந்து கற்பிட்டிக்கு பயணித்துக் கொண்டிருந்த பஸ்ஸில் வைத்தே இந் நபர் கைது செய்யப்பட்டுள்ளார்.
குறித்த பஸ்ஸில் கொண்டு செல்லப்பட்டுக் கொண்டிருந்த உரைகளில் பெரும் எண்ணிக்கையிலான கடற்குதிரைகள், 292 சுறா மீன்களின் துடுப்புக்கள், விசேட வகையிலான பெரும் எண்ணிக்கையிலான சிப்பிகள் உள்ளிட்ட கடல் உயிரினங்கள் வலான மத்திய குற்றத் தடுப்புப் பிரிவின் பதில் பணிப்பாளர் ஹேமால் பிரசன்ன தலைமையிலான குழுவினர் மேற்கொண்ட நடவடிக்கையின் போது கைப்பற்றப்பட்டுள்ளன.
வில்பத்து வனப்பகுதியின் மத்தியால் செல்லும் பாதையின் ஊடாக தொடர்ந்தும் சட்டவிரோதச் செயற்பாடுகள் இடம்பெற்று வருவதாக கிடைத்த தகவலையடுத்தே இந்த நடவடிக்கை மேற்கொள்ளப்பட்டுள்ளது. வலான மத்திய குற்றத் தடுப்பு பிரிவினருக்கு கிடைத்த தகவலையடுத்து அப்பிரிவின் அதிகாரிகள் நேற்று முன்தினம் மாலை குறித்த வீதியில் வைத்து மேற்கொண்ட நடவடிக்கையின் போது அவ்வீதி யால் பயணித்த சுமார் 20 வாகனங்கள் அதிகாரிகளால் சோதனைக்கு உட்படுத்தப்பட்டதா கத் தெரிவிக்கப்படுகின்றது.
No comments:
Post a Comment