யாழ்ப்பாணம் நீர்வேலி பகுதியில் இடம்பெற்ற வாகன விபத்தில் சிறுவனொருவன் உள்ளிட்ட இரண்டு பேர் உயிரிழந்துள்ளனர்.
வேன் ஒன்றும் முச்சக்கரவண்டியும் நேருக்கு நேர் மோதி விபத்து இடம்பெற்றுள்ளதாக பொலிஸார் குறிப்பிட்டனர்.
விபத்தில் காயமடைந்த மேலும் இருவர் வைத்தியசாலையில் அனுமதிக்கப்பட்டுள்ளனர்.
பருத்தித்துறையிலிருந்து பயணித்த முச்சக்கரவண்டி எதிர்திசையில் பயணித்த வேனுடன் மோதி நேற்று மாலை நான்கு மணியளவில் விபத்து இடம்பெற்றுள்ளது.
விபத்துடன் தொடர்புடைய வேனின் சாரதி கைது செய்யப்பட்டுள்ளார்.
கோப்பாய் பொலிஸார் விபத்து தொடர்பில் மேலதிக விசாரணைகளை மேற்கொண்டு வருகின்றனர்.
இதேவேளை தெஹியோவிட்ட அடுலுகம பிரதேசத்தில் இடம்பெற்ற வாகன விபத்தில் இளைஞர் ஒருவர் உயிரிழந்துள்ளார்.
நேற்று இரவு இந்த விபத்து சம்பவித்துள்ளதுடன் விபத்தில் 29 வயதுடைய பொன்னுவேலு சதீஸ்குமார் என்பவரே சம்பவத்தில் உயிரிழந்துள்ளார்.
தெஹியோவிட்ட நகரில் இருந்து கரவனெல்ல சென்று கொண்டிருந்த மோட்டார் சைக்கிளும் எதிரே வந்த கெப் வண்டியும் மோதி விபத்து சம்பவித்துள்ளது.
சடலம் கரவனெல்ல வைத்தியசாலையில் வைக்கப்பட்டுள்ளதுடன் அவிசாவளை பொலிஸார் மேலதிக விசாரணைகளை மேற்கொண்டு வருகின்றனர்.
No comments:
Post a Comment