அன்று_நான்_ஒரு_கட்சியில்_வேட்பாளர் - ULM.றுபைஸ்

அன்று_நான்_ஒரு_கட்சியில்_வேட்பாளர்(ராக) இருந்தபோது அதன் கொள்கைகள் தவறாக இருந்தது. ஒரு சபை கூடி அபிவிருத்தியையோ சமூக, கலாச்சார சீர்திருத்த மாற்றங்களையோ பற்றிப் பேசாமல் குறிப்பிட்ட ஒருவரை வீழ்த்தும் சூழ்ச்சியே நடைபெற்றது.

அதைவிட்டு கொஞ்சம் கொஞ்சமாக ஒதுங்கிக்கொண்டு இருக்கும்போது தேசிய காங்கிரஸ் கட்சியின் தலைவரின் கொள்கை என்னை ஈர்த்தது. அந்த சந்தர்ப்பத்தில் தான் தலைவர் என்னை அவரை வந்து சந்திக்கும் படி யாசீர் அவர்கள் ஊடாக எனது நண்பன் ஒருவன் வந்து என்னை சந்தித்தான்.பேசினான். நானும் அதையே எதிர்பார்த்தவனாக இருக்கும் தருணம் என்பதால் சந்திப்பதற்குத் தயார் ஆனேன்.

அதற்கிடையில் அன்றைய அடிப்பாட்டிக் கலாச்சாரம் முடிவின் இறுதிக்கட்டத்தில் இருந்தது அவர்கள் எனக்கு அடிக்கப்போவதாகவும் ஒரு தகவல் கிடைத்தது.

எதையும் பொருட்படுத்தாமல் தலைவரை நேரடியாக சந்திக்க எனது நண்பனுடன் கிழக்கு வாசல்  சென்றபோது தலைவர் ரம்யமான பொழுதொன்றில் கடல்க்காற்று வாங்க்கிக்கொண்டு ஆத்தலாகவும் அமைதியாகவும் அமர்ந்திருந்தவர் அருகில் சென்றேன்.

அவர் என்னிடம் சலாத்தைத் தொடர்ந்து பேசிய முதல்  வார்த்தை பலதை சிந்திக்கவைத்தது.

#மகன் இவனுகள் உன்னப்போல சின்னப்பிள்ளைகள வைத்து அரசியல் செய்து ஏமாத்துறானுகள்டா.

என்னும் போதே எனது பதில் சேர் நான் உங்களை எதிர்ப்பதற்காக அவர்களுடன் இணையவில்லை என்னிடம் உள்ள சமூக சேவை ஆர்வத்தில் சில சேவைகள் முடிந்த அளவு செய்திருக்கிறேன். ஆனால் அரசியல் அதிகாரம் ஒன்று கிடைத்தால் என்னால் இன்னமும் செய்யமுடியும் அதனால்தான் தேர்தலும் கேட்டேன். ஆனால் அங்கு உண்மையில்லை உங்களோடு இணைகிறேன் என்று கூறிவிட்டு. மறுனாள் மதிய உணவு தலைவருடன் உண்டுவிட்டு என் பிராந்திய மக்களும் கூடியிருக்க பத்திரிகையாளர்களிடம் ஏன் தேசிய காங்கிரஸின் கரம் பற்றினேன் என்ற காரணத்தைப் பகிர்ந்துவிட்டு அமர்ந்தேன்.

அன்று பணம் இல்லாத, பாதுகாப்பு இல்லாத ஒரு இளம் வேட்பாளனாக இருந்த நான் தலைவரின் அரவணைப்பில் அவரின் ஓய்வில்லத்தில் இரண்டும் கிடைக்க இருந்தேன்.என்னுடன் பதுர்சமானும் இருந்தார்.

ஊர் முழுக்க கதை பரவியது அதாவின் ஆட்கள் றுபைஸை கடத்திவிட்டார்கள் என்றும், பயத்தில் ஓடி ஒளித்துவிட்டார் என்றும். ஆனால் தலைவரோடு செல்லும் ஒவ்வொரு கட்சிக் கூட்டங்களிலும் அதற்கான தெளிவும், கட்சி மாறியதன் காரணமும் என்னால் முன்வைக்கப்பட்டது.

இடையில் Sajeeth Ahamed என்னை மேடையில் வைத்துக்கொண்டே வேரொருவரின் முகத்தைக் கற்பனை செய்து பிரச்சாரக்கூட்டத்தில் ஏசியது ஒரு புறம் இருக்க Al Thavam  அவர்கள் கட்சியோடும் கட்சி தவத்தோடும் முறுகல் நிலையில் இருக்க உவைஸ் காக்கா என்னைத் தேடி அலைகிறாராம் அதுவும் கைத் துப்பாக்கியுடனாம் என்ற எனது நண்பனின் தொலைபேசி அழைப்பைத் துண்டித்துவிட்டு தலைவரின் உரையை கிரகித்தவனாக அன்றைய பொழுது களிந்தது.

இபடியே ஒவ்வொரு மறக்கமுடியாத சுவாரஸ்யமான சம்பவங்களைக் கடந்தும் தலைவரின் அரவணைப்பிலும் பாதுகாப்பிலும் தேர்தல் நாள் நெருங்கியது.

அன்று காலை யாருமே இல்லாத வெறிச்சோடிய சேக்கூட்டில் இருந்து வாக்குச்சாவடிக்குச் செல்ல வெளியான எனக்கு வயது தைரியமாக இருந்தாலும் மனசு தயக்கத்தைத் தந்தது. முதல் தேர்தல் களம் இல்லையா அப்படித்தான இருக்கும்.

அதுவும் இத்தனை நாளும் தலைவருக்குப் பின்னால் வரும் வாகனத்தில் கெத்தா போய் ஒவ்வொரு கூட்டங்களிலும் இறங்கிய எனது உணர்வு அன்றைய தினம்தான் அது அவசியமானது.

பலருக்கு பல அழைப்புகள் விடுத்தும் எதுவித பதிலும் இல்லாத விடத்து தலைவருக்கு அடுத்ததாக நான் நம்பும் ஒருவருக்கு அழைத்த போது உடன் பேசிய அவரின் பதில்

#யாரையாலும் பாத்து போங்கோ றுபைஸ் என்றவுடன் மீண்டும் ஒரு கணம் அரசியல்வாதின் குணத்தையும், என் நிலமையையும் சிந்திச்சு சிரிப்பு வந்தது. 

என்ன செய்வது உம்மாவோடு வீடுவரை ஆட்டோவில் சென்று. நண்பனோடு வாக்குச் சாவடி சென்று வாக்கு குதிரைக்கும் இலக்கம் ஒன்றிற்கும் என்னால் இடப்பட்டது.

அன்று எனது சின்னமான மரத்தையும் மூன்றாம் இலக்கத்தையும் பார்த்து ஒரு பெருமூச்சும் இலேசான சிருப்பும் வந்தபோது.எனதறிவு ஒரு அனுபத்தையும் கற்றிருந்தது ஆறுதலாக இருந்தது.தொடரும்...Gafrufais...