மட்டக்களப்பு - பெரியகல்லாறு பகுதியிலுள்ள தேவாலய வளாகத்துக்குள் நேற்றிரவு இளைஞர் ஒருவர் கத்தியால் குத்தி படுகொலைசெய்யப்பட்டுள்ளார் என களுவாஞ்சிகுடி பொலிஸார் தெரிவித்துள்ளனர்.
இச் சம்பவத்தில் பெரியகல்லாறு முதலாம் குறிச்சியைச் சேர்ந்த 23 வயதுடைய ஜேசுதாசன் திமேஷன் என்னும் இளைஞர் உயிரிழந்துள்ளாரென களுவாஞ்சிகுடி பொலிஸார் தெரிவித்தனர்.
பெரியகல்லாறு புனித அருளானந்தர் தேவாலயத்தில் நடைபெற்ற நிகழ்வொன்றின்போது பட்டாசு கொழுத்திய சம்பவம் தொடர்பில் ஏற்பட்ட வாய்த்தர்க்கமே கத்திக்குத்துச் சம்பவத்துக்கு காரணம் எனவும் தெரியவருகின்றது.
இச் சம்பவம் தொடர்பில் சந்தேக நபரொருவரும் சந்தேகநபரின் தந்தையும் சரணடைந்துள்ளனரெனவும் உயிரிழந்தவரின் சடலம் மரண விசாரணையை தொடர்ந்து மட்டக்களப்பு போதனா வைத்தியசாலைக்கு பிரேத பரிசோதனைக்காக கொண்டுசெல்லப்பட்டு உறவினர்களிடம் ஒப்படைக்கப்பட்டுள்ளது.
இக் கொலை தொடர்பான விசாரணையை களுவாஞ்சிகுடி பொலிஸார் மேற்கொண்டுவருகின்றனர்.
No comments:
Post a Comment